A casa de Senra está relacionada con moitas das casas fidalgas da terra Tabeirós-Montes. María Antonia de Cortés Varela e Bouchas orixinaria desta casa casou na parroquia de Stª Mª Magdalena de Montes o 28 de setembro de 1772 con Manuel Francisco Ogando Ribera (cfr. Casas fidalgas do concello de Forcarei I). Grazas a documentación particular (sobre as tres primeiras xeracións) e do Arquivo do Reino de Galicia podemos ofrecer a súa xenealoxía, aínda que os libros parroquiais máis antigos de Escuadro desapareceron.
O pazo ou casa da Senra ten as súas orixes en Fernando de Senra e a súa muller Marquesa de Senra. Os seus fillos foron:
- Juan Fernández da Senra, clérigo, a quen
se le imputaron los gastos de estudios
. - Agustín Fernández da Senra, reitor de Moalde e Escuadro.
- Pedro Fernández da Senra.
- MaríaFernández da Senra, que casou con Alvaro de Outeiro.
- Jácome Fernández da Senra, que foi mellorado con terzo e quinto.
- Marcos(que segue).
- Catalina Fernández da Senra, que casou con Afonso de Márquez.
- Margarita Fernández da Senra, casada con Juan de Negreiros, escribán.
- Teresa, casada con Gregorio do Outeiro.
- Inés de Cumbraos, casada con Daniel Núñez.
- Catalina, casada con Pedro González de Filgueiras, en Deza.